StúdíóGeirinn - Hljómar betur

Lúkas er kominn heim!!! eða svo sögðu þeir

2007-07-23T17:42:00.000Z

Æi, já sælir eru einfaldir, það sem mamm veit ekki særir hana ekki og allt það. Hver heldur því svo sosum fram að þetta sé Lúkas? Það var náttúrulega bara ráðist á næstu tófugrey, hún rökuð og "eigandanum" sagt að þetta dýr hafi komið í leitirnar. En, jæja, eigandinn er glaður, og allir glæpamenn og næstum verðandi morðingjar, ofbeldismenn og konur í samfélaginu geta loks hætt að hafa áhyggjur af því að menn spili fótbolta með dýrum (afsakið en ég get ekki kallað þetta hund....). Það er bara gott að það er allt komið í réttann farveg aftur og ekki þykir það fréttnæmt efni þó menn séu barðir í köku og skildir eftir sem örykjar á miðjum laugarveginum, því, jú, sjáið til, því Lúkas er kominn heim.

This has to be in english.....

2007-05-21T23:05:00.000Z

For all the Dell laptop users with the known firewire audio problem, and the unlucky ones to have models with non-working pc-card (card-express) slot, like I do, don´t worry...there is a solution out there......Just buy HP.......
Stop trying to find a solution, because Dell is not to be used with Pro Tools, Cubase, Nuendo or any professional audio programs. Sucks to be us, unhappy Dell owners.

Hriðjuverkamenn til Íslands - Nei takk.

2007-05-15T18:57:00.000Z

Já, það er rétt gott fólk. Þeir eru á leiðinni. Fregnir herma að þeir leggi í hann frá Ástralíu í nótt og eru væntanlegir eftir um mánuð, enda nánast á árabát. Spurningin er sú hvort að landhelgisgæslan okkar ætti ekki bara að spara þeim ómakið, og fá einhvern Ástralann til að taka tappann úr bátnum þeirra, líkt og þeir gerðu hér forðum daga. Annars er þetta bara spurning um hvenær okkar friðsæla land verður troðfullt af "friðsælum" atvinnu mótmælöndum (hryðjuverkamönnum) líkt og vinir okkar í danmörku eru skyndilega að uppgvöta sér til mikillar hrellingar. Ekki það að þetta séu íbúar stínu frænku sem þar berjast. Síður en svo. Heldur eru þetta "atvinnu" mótmælendur.

Eurovision - allt búið.......

2007-05-12T22:36:00.000Z

Jú ekki náðum við upp úr undanúrslitum frekar en fyrri ár, og kenna menn austur-evrópsku mafíunni um. Reyndar er staðreyndin sú að rokk hefur átt undir högg að sækja í keppninni, og svo virðist vera að við norðurlandabúarnir séum töluvert mikið meiri rokkarar en vinir okkar fyrir austan. Ekki þarf að nefna að við erum mikið færri lönd, og myndi ég telja það hluta af ástæðunni. Annars getum við hjá Stúdíógeira lagt blessun okkar yfir úrslitin, nema við hefðum viljað sjá Finnland, Ungverjaland og Tyrkland lenda ofar. En, því miður ráðum við litlu um það. Annars væri heimurinn nú betri.......

Það eru ekki allir mjúkir!

2007-05-03T18:10:00.000Z

Mac Pro - ódýr eða hvað??

2007-05-03T17:34:00.000Z

Jú, nú er kominn hugur í Stúdíógeirann að hefja aftur starfsemi og er nú farinn að huga að endurnýjum tækjabúnaðar. Einhver fugl breiddi út þann boðskap að Mac væri orðið svo ódýrt og fínt að Stúdiógeirinn gerði sér ferð og stoppaði á heimasíðu Apple á Íslandi til þess að skoða Mac Pro ofurgræju. En brosið hvarf snögglega þegar verðlistinn kom upp. Einungis 269.900 krónur fyrir grunnútgáfuna, ekki með skjá. En örvæntið ekki, lyklaborð fylgir. Já, það þýðir að enn og aftur verður farið í gegnum verðlistann hjá Tölvulistanum og Airport Express látið duga frá Apple í bili.

Sprengjuhöllin ásamt Hugsýki á Græna hattinum

2007-04-23T21:19:00.000Z

Jú, Hugsýki kom aftur saman um daginn og tók sér ákveðna stefnu á samkomu sem ungir jafnaðarmenn héldu, og var stefnan sett beint á barinn. Kvöldið tókst með ágætum alveg hreint og eru myndir væntalegar inn á heimasíðu Hugsýki þar sem hitað var upp fyrir hetjurnar í Sprengjuhöllinni.

Meira kvart.....

2007-04-11T23:03:00.000Z

Já, svonna fyrst maður er byrjaður að kvarta...... Af hverju eru menn að búa til uppfærslur sem að skemma alveg þrælgóð forrit?? Hafið þið prufað Pro Tools 7.3? Þvílíkt drasl.

En undur og stórmerki gerðust um daginn. Síminn hringir hjá stúdíógeira og á hinum endanum er herra Dell sjálfur. Þeir fá nú stórann plús fyrir viðleitni. Ekki það að vandamálið sé leyst, en, gefum þeim smá séns.

Stúdiógeirinn pirraður - en þó með lífsmarki

2007-04-11T21:57:00.000Z

Já, það er rétt. Stúdiógeirinn er varla með lífsmarki þessa daganna og ekkert að gerast. En vonandi kemur það með hækkandi sól. Annars langar mig til að deila reynslu minni af Dell Inspirion tölvum og M-audio firewire 1814. Í stuttu máli sagt: Gleymdu þessu, þetta virkar aldrei. Þó sýnist mér frekar að tölvan sé vandamálið. Þannig að, eftir 5 mánaða vesen, þá ráðlegg ég ykkur að kanna vel hvaða tölvur eru viðurkenndar. Og, þó svo að einhver dell tölva sé viðurkennd, þá eru það sko ekki allar. 200 kall í ruslið - takk fyrir og góða nótt.

Dýrið gengur laust - video og myndir

2006-04-18T09:15:00.000Z

Nú er hægt að nálgast video og ljósmyndir af heimasíðu Hugsýki sem að þeir Reynir í Toppfilm og Hrói á Örkinni sáu um að græja fyrir okkur, og langar okkur til að koma fram þakklæti til þeirra. Allir að skoða....

Vel heppnaðir tónleikar hjá Norðlenska Dýrinu

2006-04-15T21:10:00.000Z

Já, ekki verður annað sagt en að þessir tónleikar hafi tekist mjög vel, að öðru leiti en að fá okkur blessaða Akureyringanna til að rífa sig upp á rassgatinu og kíkja á það sem að er að gerast í norðlenskri tónlist. Að mínu mati voru böndin alveg þrælgóð og komu þar sérstaklega sterkir inn guttarnir í Mistur, en þeir eiga eflaust eftir að gera góða hluti. Einnig voru gömlu góðu böndin eins og Grass, Infiniti og Helgi og Hljóðfæraleikararnir sem að brilleruðu að vanda.
Og síðan en ekki síst komu tvö ný bönd sterk til leiks, Hugsýki og Thingtak með alveg ferska og þétta dagskrá. Hljóð og mynd eru væntanleg frá tónleikonum eftir páska.

Sjallinn - Laugardag - kl: 21:30

2006-04-03T10:46:00.000Z

Meðleigjandi óskast

2006-04-01T21:18:00.000Z

Stúdíógeiranum stendur nú til boða nýtt húsnæði. Það munu vera öðlingarnir í Nortek sem að hafa boðið húsnæði á leigu. Leigan þykir þó heldur há, og því óskar stúdíógeirinn eftir meðleigjanda sem að er helst aldrei á staðnum.
Áhugasamir geta sett inn comment.

Lokað vegna ófærðar

2006-03-29T08:59:00.000Z

Stúdíógeirinn mun ekki starfa á næstu dögum sökum ófærðar. Opnanir verða auglýstar í vor.

Speki dagsins

2006-03-16T08:49:00.000Z

- Worrying is like a rocking chair. It gives you something to do, but it doesn´t get you anywhere. -

Við lifum í brengluðu samfélagi

2006-03-16T08:34:00.000Z

Væntanlega hefur það ekki farið fram hjá neinum að dómur hefur verið kveðinn upp í baugsmálinu. Þetta umsvifamikla mál snýst um persónulegar árásir og tilraunir til að knésetja stórveldið Baug. Spurningar hafi vakið um hvort að félagið hafi farið yfir línuna varðandi bókhald og önnur fjármál, en hefur verið stillt upp við vegg eins og stórglæpafyrirtæki, hreinlega mafíu. Hins vegar hefur dómur komist að þeirri niðurstöðu að svo sé ekki, og ekkert tekist að sýna fram á eitt eða neitt.

Þetta mál hefur kostað almenna skattborgara, þar á meðal mig, yfir 50.000.000 kr. Og eins og Jóhannes sjálfur benti á, það eru til nægir peningar til að stunda hausaveiðar á Baugsmönnum, en það eru EKKI til peningar til að gera við og koma þyrlu landhelgisgæsunnar aftur í nothæft form. Ég bendi á þau atvik þar sem að BÁÐAR þyrlurnar voru í óstarfhæfu ástandi þegar þeirra var óskað, þar á meðal í banaslysi upp á Hofsjökli.

Er þetta ekki sjúkt samfélag?

Æfingarhúsnæði fyrir hljómsveitir.....er það satt?

2006-03-14T19:43:00.000Z

Já, það er nefnilega aldrei að vita. Nú hafa nokkrir athafnasamir tónlistarmenn tekið sig saman og hyggjast kanna möguleika á úrbótum í þessum málum. Menn eru stórhuga, en enn er of snemmt að útlista starfsemina hérna. Samtökin hafa fengið nafngiftina Norðlenska dýrið, og mun ég skýra nánar frá því.

En, það sem að skiptir mestu máli í augnablikinu - Ef að þú ert í bandi, eða þig sem einstakling vantar æfingarherbergi sem að þú / þið væruð tilbúinir að borga á bilinu 15-20 þús á mánuði, endilega sendið mér e-mail með nafni á bandinu og símanúmer.

- TónlistarGeirinn -

Rás 2 - Rokkar hringinn

2006-03-12T16:54:00.000Z

Til að enda þessa viku sem að Rás 2 hefur verið með útsendingu héðan frá Akureyri, þá voru haldnir tónleikar á Græna Hattinum með hljómsveitonum Hvanndlasbræðrum, Hermigervli, Dikta og Ampop. Þessir tónleikar þóttu takast ákaflega vel að öllu leiti, að undanskildu frekar slöppu "sándi". Hvanndalsbræður hófu leikinn eins og þeim er einum lagið. Enginn tími gafst til að sándtékka, en það var ekki svo nogið. Enda voru þeir ekki stilltir. Þar á eftir kom Hermigervill. Þetta er einn maður með samplera og syntha, og spilar dans / tekno eftir hendinni. Mjög svo skemmtilegt að sjá hann að störfum. Svo kom Hljómsveitin Dikta og spilaði alveg fínt, þétt rokk. Og þar á eftir kom Ampop til að klára þetta ágætis tónleikakvöldi með fínu framúrstefnurokki.
Kvöldið endaði svo með því að það var litið inn á hinn alræmda stað Kránna til að kíkja á tónleika með hljómsveitinni Infiniti. Þar var þétt setið og virðist hafa verið gott kvöld hjá þeim.

Poppland: Hugsýki á Rás 2

2006-03-08T08:31:00.000Z

Enn og aftur hefur Rás 2 sýnt að þeir eru alltaf til í að leggja sitt af mörkum til að efla tónlist um alla landsbyggð. Ekki fyrir svo löngu hitti hljómsveitin Hugsýki Ólaf Pál, umsjónarmann Rokklands. Meðal annars var rætt um tónleika sem að stendur til að halda í Sjallanum, þann 8. apríl. Mikið var rætt um hve erfitt er að halda uppi hljómsveit hér á Akureyri, þar sem að nær ómögulegt er að draga fólk út á einhverja menningarviðburði, og er því alls ekki raunhæft að standa fyrir þeim í þessu bæjarfélagi. Einnig er erftitt, ef ekki ómögulegt, fyrir hljómsveitir að finna æfingarhúsnæði. Þetta gerir það að verkum að "menningarbærinn" (hahahahaha, hafiði heyrt annað eins rangnefni á bæjarfélagi) Akureyri, drepur niður alla þróun á tónlist.
Nú, það er sosum ekkert merkilegt, nema hvað, stuttu síðar hafa þeir samband og segjast vera á leiðinni til að rannsaka norðlenska tónlist. Hetjurnar í Popplandi með Guðna Má Henningssyni í fararbroddi eru því mættar norður og hafa tekið á móti, og spilað margar norðlenskar hljómsveitir. Þar á meðal mun Hugsýki koma aftur fram á föstudag á milli kl 15 og 16.
Þannig að, við fögnum Rás 2 og Popplandi, þeir eru ávalt velkomnir og vonum að allir séu að hlusta.....

Hugsýki - komið á netið

2006-03-04T19:42:00.000Z

Nú, eftir marga kaffibolla og miklar pælingar, er loksins tvö lög tilbúin með hljómsveitinni Hugsýki, og er hægt að nálgast þau hér. Lögin bera vinnuheitin amem (Nothing at all) og CE lagið. Gott væri að fá comment á mixin.

Myndbandsmyndir

2006-03-02T15:04:00.000Z

Nú eru myndir komnar af þessu uppátæki hjá Nossaramo inn á Toppfilm, sem var tekið upp í nístingskulda og norðanngarra. Nú liggja meðlimir með hálsbólgu og kvef eftir herlegheitin. En myndataka mun hafa verið góð og sjónarhonrin alveg frábær og umstangið alveg þess virði. Smellið hér til að skoða myndirnar.

Allt til lista lagt

2006-02-28T08:46:00.000Z

Nú er allt að gerast. Stúdíógeiranum hefur verið boðið að leika í myndbandi sem að StúdíóGummi og félgar hyggjast skjóta í dag. Tilboðið hljómaði mjög vel ok var ákveðið að slá til. Hinns vegar virðumst við hjá StúdíóGeira ekki lesið handritið nógu vel, þar sem að í ljós hefur komið að senan er sker út á ballarhafi. Yfirleitt myndu menn ekki setja svoleiðis fyrir sig, en í dag er gola og nístingskuldi. En, Speedo sundskýlan er klár, og við bíðum spenntir....

Speki dagsins

2006-02-22T16:36:00.000Z

A man and his young wife were in divorce court, but the custody of their children posed a problem.
The mother leaped to her feet and protested to the judge that since she brought the children into this world, she should retain custody of them.
The man also wanted custody of his children, so the judge asked for his justification.
After a long silence, the man slowly rose from his chair and replied...
"Your Honor, when I put a dollar in a vending machine and a Coke comes out, does the Coke belong to me or the machine?"

Menningarleg helgi

2006-02-20T08:20:00.000Z

Stúdíóeirinn tók sig til um helgina og gerðist ákaflega menningarlegur. Meðal annars var litið inn á myndlistasýningu Helga úr Helga og hljóðfæraleikoronum í sal Populus Tremula. Þar gaf á að lýta margar mjög svo fallegar myndir ásamt ýmsum tónlistaratriðum. Einnig kíktum við á tónleika með Kalla úr Tenderfoot og Begga á Græna hattinum. Það voru ágætis tónleikar alveg hreint, en hefði mátt vera fleiri Akureyringar sem að hefðu sýnt smá lit og kíktu á þessa tónleika. Annars er það merkilegt hve erfitt er að draga Akureyringa út úr hýbýlum sínum og taka þátt í einhverskonar samkomum. Ef að það er ekki allt fljótandi í ókeypis áfengi, þá mæta Akureyringar ekki. Menningunni lauk svo með því að kíkja í Ketilhúsið á 24H menningarviðburð. Þar var hlýtt á nokkur ljóð fyrir svefninn og horft á mjög djarfa undirfatasýningu. Þetta eru víst fyrstu merki þess að maður er orðinn gamall þegar maður notar orðið "djarft" í lýsingu á undirfatasýningu. Þetta eru jú undirföt...

Hugsýki

2006-02-19T23:51:00.000Z

Enn og aftur eru hafnar upptökur, en að þessu sinni er það bílskúrinn þar sem að Hugsýki ergir nágranna sína oft í viku. Stefnan er sú að taka upp nokkur lög með trommum og tilheyrandi. Þetta er fyrsta alvöru trommusettið sem að StúdíóGeirinn tekur upp, og er þetta því spennandi verkefni. Lagst var í mikla hönnunarvinnu og munaði litlu að fækkað hefði um einn tónlistarmann þar sem að SveinBjörn lagði limi sína í stórhættu við hönnun á hljóðnema fyrir bassatroimmu. Því verður gaman að "sjá" útkomuna. Lögin munu fara á demo disk með lögum frá nokkrum Akureyskum hljómsveitum, en ætlunin er sú að halda tónleika í Sjallanum þar sem að fólki gefst kostur á að sjá og heyra hvað norðlensk bönd eru að bauka þessa daganna.

Orðinn einmanna

2006-02-15T16:58:00.000Z

Já, nú er hinn helmingurinn af tónlistarmanninum í mér, Laura, nú farin af landi brott. Því er tómlegt í stúdíógeiranum og er ég frekar einmanna eftir þessa frábæru viku sem að við áttum saman.
Sem betur fer hefur SveinBjörn stytt mér stundir með frábæru myndbandi við Kaffi og Ís. Mæli með því að þið kíkjið á það

Mættur aftur - með nýtt lag

2006-02-13T00:24:00.000Z

StúdíóGeirinn fékk kærkomna heimsókn um daginn. Laura Harmsena kom alla leið frá Lettlandi til að skoða land og þjóð, og vissulega var kokkað eitt lítið rómantískt lag í leiðinni til að rifja upp gamla og góða tíma síðan í Danmörk. Lagið heitir Light Love og er að sjálfsögðu komið á netið og eru vonir um að það nái inn á topp 20 á rokk.is, en þá hefðu öll frumsömdu lögin sem að hafa verið tekin upp í StúdíóGeiranum náð inn á þann vinsældarlista. Þannig að við bíðum spennt og vonum það besta.

StúdíóGeirinn - Fer í frí

2006-02-05T13:00:00.000Z

Já, nú er Stúdiógeirinn í fríi þar sem að hann ákvað að freista þess að sjá betur með tækni nútímanns. Enn svo komið er sjónin ekki fullkomin, en við bíðum átekta. Vonir standa svo um að nýjar upptökur hefjist í næstu viku. Okkur langar einnig að nota tækifærið og óska Fallen Heroes og SveinBirni til hamingju með góðann árangur á rokk.is
Lifið heil.

SveinBjörn leggur sitt af mörkum

2006-01-31T09:44:00.000Z

Já, SveinBjörn lagði til þennann fallega haus á síðuna, og erum við þakklátir fyrir það. Sagnir herma að hann sé hinn ánægðasti með tiltölulega hráa útkomu á laginu Kaffi og Ís. Við hins vegar hjá StúdíóGeiranum erum ánægðir með það að hafa glatt gamlann mann.

- StúdíóGeirinn -

Rólega af stað...

2006-01-29T19:38:00.000Z

Já, þetta kemur allt hægt og rólega. Síðan er hægt og rólega að lagast, og nú getum við loksins sofið rólega eftir að hinn frábæri tónlistarmaður Sveinbjörn hinn mikli arfleiddi okkur að því sem að hefur lengi vantað í stúdíóið, dýrindis tveggja manna sófa. Einnig veittist okkur sá heiður að hljóðrita hanns frábæru rödd inn á gríðarlegt tónverk eftir hann sjálfann, sem að kallast Kaffi og Ís!
Njótið vel.

Stúdíógeirinn opnar

2006-01-23T16:58:00.000Z

Góðann daginn og velkomin.Það er sönn ánægja að tilkynna hér með að Stúdíó-Geirinn hefur nú formlega opnað. Það er búið að vera draumur lengi að eiga lítið afdrep þar sem að ég get setið og dundað við tónlist í hinu stórfenglega Pro Tools kerfi. Við erum enn að koma okkur fyrir, en hljómsveitin Fallen Heroes fékk að taka forskot á sæluna og taka upp Moments ágætis lag alveg hreint, og einnig kíkti Jónína í heimsókn, fínasta söngkona alveg hreint og mjög efnileg, og tók upp (hreina) Ást eftir Magnús Þór. Ég mæli með því að þið styðjið hana vel í SAMFÉS kepninni í ár. Myndir og lögin sjálf verður vonandi hægt að nálgast hér þegar að þetta kemst allt saman á netið. En, ef að þið eruð á Akureyri og langar til að taka upp lag, þá hafið þið bara samband á varnason@hotmail.com. Gefum góðann díl á unga tónlistarmenn með frumsamið efni. Rétt er þó að taka fram að við höfum enn ekki aðstöðu til að taka upp trommur, nema þá frábæru rafmagnstrommurnar mínar........

Valgeir